"Бавария" спорт бўлими бошлиғи Макс Эберль Серж Гнабрининг янги шартномаси ҳақидаги саволга жавоб берди.
Сешанба куни 30 ёшли вингер Чемпионлар лигаси доирасида Лиссабоннинг "Спортинг" клубига қарши ўйинда (3:1) гол уриб, голли узатмани амалга оширган ҳолда қаҳрамонлардан бирига айланди.
"Биз музокаралар олиб боряпмиз. Яхши ва очиқ музокаралар. Оптимал ечим топиш керак: бир томондан, бюджет ҳақида ўйлаш керак, бошқа томондан - ўйинчининг талабларини қондириш керак. Бу фақат Сержга эмас, ҳаммага тааллуқли. Бизнинг вазифамиз шу. Умид қиламанки, биз бу масалани ҳал қиламиз," - дея Эберлнинг сўзларини келтиради Bayern & Germany.
Серж Гнабрийнинг амалдаги меҳнат шартномаси 2026 йилнинг ёзида тугайди.
