"Барселона" вингери Маркус Рэшфорд Чемпионлар лигаси доирасида Франкфуртнинг "Айнтрахт" клубига қарши ўйинда (2:1) Роберт Левандовскининг жамоа муваффақиятига қўшган ҳиссасини эътироф этди.
Каталонияликлар танаффусга минимал ҳисобда ортда қолиб чиқиб кетди. Иккинчи бўлим бошланиши арафасида Рэшфорд майдонга тушди ва 50-дақиқадаёқ Жюль Кунденинг голига ассистентлик қилди. Яна уч дақиқа ўтиб, ўша Кунде Ламин Ямалнинг узатмасидан кейин гол урди.
"Левандовски - катта тажрибага эга футболчи. Танаффусда у менга жарима майдонига тез-тез тўп оширишимиз кераклигини айтди - иккала гол ҳам шундай урилди. Ажойиб маслаҳат," - дея инглизнинг сўзларини келтиради Barca Universal.
