Германия терма жамоаси ва "Реал" ҳимоячиси Антонио Рюдигер клубини ўзгартириши мумкин. Бу ҳақда AS журналистлари хабар бермоқда.
Манбага маълум бўлишича, юлдуз футболчини Истанбулнинг "Галатасарой" клуби ўз сафига қўшиб олмоқчи. Туркия гранди раҳбарияти Рюдигерни қишки трансферлар даврида ўз сафига қўшиб олишга уриниб кўради. Антонионинг ўзи музокаралар олиб боришга тайёр.
32 ёшли германиялик футболчи "қироллик клуби" билан 2025/2026 йилги мавсум якунига қадар шартнома мажбуриятлари бўйича боғланган. Тажрибали ҳимоячининг бозор нархи 12 миллион еврони ташкил этади.
Антонио жорий мавсум "қаймоқранглилар" сафида бор йўғи 3 та ўйинда майдонга тушди.













