Август ойи ўрталаридан буён жароҳати сабаб майдонга туша олмаётган "Наполи" ҳужумчиси Ромелу Лукаку сафга қайтишга ҳозирлик кўрмоқда. 32 ёшли бельгиялик ҳужумчи "Милан"га қарши Италия Суперкубоги ярим финал ўйини қайдномасига киритилади. Бу унинг жорий мавсумдаги расмий ўйинлардаги илк иштироки бўлади. Бу ҳақда Football Italia нашри хабар бермоқда.

Ромелу Лукаку август ойида Грециянинг "Олимпиакос" клубига қарши ўртоқлик ўйинида жароҳат олганди. Тиббий текширув натижасида футболчининг сон боғламлари узилгани аниқланди, бу эса тикланишнинг узоқ давом этишига олиб келди. Ушбу жароҳат туфайли бельгиялик футболчи футбол мавсуми бошидан бери "Наполи"нинг барча расмий учрашувларини ўтказиб юборди ва жорий мавсумда бир дақиқа ҳам майдонда бўлмади.

Ромелу Лукакунинг Италия клуби билан шартномаси 2027 йилнинг июнига қадар амал қилади. Transfermarkt портали маълумотларига кўра, футболчининг бозор нархи 15 млн еврони ташкил этади.