"Барселона" президенти Жоан Лапортанинг маслаҳатчиси Энрик Масип клубнинг Мадриднинг "Атлетико" клуби ҳужумчиси Хулиан Альваресга қизиқиши ҳақида гапирди.
Аргентиналик футболчи узоқ вақтдан буён "кўк-анорранглилар"нинг трансфер мақсадларидан бири сифатида тилга олиниб келинмоқда, бироқ ҳужумчининг нархи юқорилиги туфайли бу келишув амалга ошиши даргумон.
"Альварес - ажойиб футболчи, ажойиб тўпурар. У бу мавсумда "Атлетико" сафида ажойиб ўйин кўрсатмоқда. Президент Лапорта "Барса" истаган футболчисини қўлга киритиши мумкинлигини айтганди. Амалга оширган ишларимизнинг натижаларини ҳисобга олсак, бу ҳақиқатан ҳам шундай эканлигига шубҳам йўқ. Клуб бундай келишувни амалга ошира олади", - дея Масипнинг сўзларини келтиради Barca Universal.
Transfermarkt портали Хулиан Альвареснинг нархини 100 млн еврога баҳоламоқда.
