Англиянинг гранд клублари "Ювентус" ҳужумчиси Кенан Йилдизни сотиб олишни истамоқда.
"Кекса синьора" раҳбарияти 20 ёшли футболчини шартномасини яхшироқ шартлар билан узайтиришга кўндиришга ҳаракат қилмоқда, аммо Премьер-лига клублари ҳали ҳам туркиялик юлдуз ҳужумчини ўзига жалб қилишга ҳаракат қилмоқда. Caughtoffside нашрининг хабар беришича, "Челси" ва "Арсенал" футболчи билан унинг агентлари орқали музокаралар олиб боришмоқда. Ҳужумчи ҳали келажаги борасида якуний қарор қабул қилмаган.
Кенан Йилдиз Transfermarkt томонидан 75 миллион еврога баҳоланмоқда. Бу мавсумда "Ювентус" ҳужумчиси 21 та ўйинда олтита гол урди ва олтита голли узатмани амалга оширди.
