"Барселона" "Вильярреал" дарвозасига жавобсиз иккита тўп киритиб, сермаҳсул ўйинлар сериясини узайтирди.

Испания чемпионатининг якшанба кунги баҳсида "кўк-анорранглилар" Рафинья Диас ва Ламин Ямалнинг 12 ва 63-дақиқалардаги аниқ зарбалари эвазига зафар қучди. Каталония гранди Ла Лигада кетма-кет 38 ўйинда камида биттадан гол урмоқда - бу 2013 йилдан бери клуб рекорди, деб ёзади Opta. 12 йил олдин "Барса" кетма-кет 64 учрашувда гол уришга муваффақ бўлганди - бу лига тарихидаги энг узоқ давом этган серия.

Ханс-Дитер Флик жамоасининг навбатдаги рақиби "Эспаньол." Барселона дербиси 3 январь куни бўлиб ўтади. Амалдаги чемпионлар Мадриднинг "Реал" клубини 4 очкога ортда қолдириб, йилни турнир жадвалида биринчи ўринда якунламоқда.