Каталониянинг "Барселона" клуби бош мураббийи Ханс-Дитер Флик жамоанинг мақсадлари ҳақида ўз фикрларини билдирди.

“Бу мавсумда бизнинг мақсадларимиз жуда катта. Ўтган мавсумдаги чемпионликлар жуда чиройли эди, аммо биз олдинга қараб ҳаракатни давом эттиришимиз керак. Айнан шуни хоҳлаймиз.

Бу йил мен, мураббийлар штабим, клуб ва мухлислар учун жуда таъсирли ва муваффақиятли бўлди. Бу ерда, "Барселона"да бошдан кечираётганларим — ақл бовар қилмас даражада. Мен жуда бахтлиман. Энди ишлашда давом этишимиз керак, шунда мавсум охири ҳақиқий байрамга айланиши мумкин.

Бу клуб мени бутунлай ўзгартирди. Мен бу клубни севаман, Барселонани севаман, бу ерда яшайдиган одамларни севаман. Бу жуда ажойиб. Мен бутун кучимни шу клубга бағишлайман.

Биз футболчилар ривожланиши ва фаолиятида янада юқори даражага чиқиши учун тўғри муҳит яратишимиз керак. Ҳозир менинг бутун эътиборим айнан шунга қаратилган.

Айнан шу жамоа туфайли одамлар стадионга қайта-қайта келишни хоҳлайди ва ҳар бир ўйинни интиқлик билан кутади", - деди 60 ёшли немис мутахассиси.