Германиянинг "РБ Лейпциг" клуби ҳужумкор ярим ҳимоячиси Ян Диоманде туманли Альбионга кўчиб ўтиши мумкин, дея хабар бермоқда Sky Sports.
19 ёшли футболчини "Манчестер Юнайтед" ўз сафига қўшиб олмоқчи. "Қизил-оқлар" январь ойидаги трансферлар вақтида футболчини ўз сафига қўшиб олишга уриниб кўрмоқчи. Германияликлар ўз истеъдодини 100 миллион еврога баҳоламоқда.
Жорий мавсум Германия чемпионатида 19 ёшли ивуарлик 14 та ўйин ўтказиб, 6 та гол ва 2 та голли узатмани ўз ҳисобига ёздириб қўйди.
Яннинг "буқалар" билан меҳнат шартномаси 2030 йилнинг ярмигача мўлжалланган. Унинг бозор қиймати 45 миллион еврони ташкил этади.
