«Челси» футбол клуби бош мураббий Энцо Марескани лавозимидан озод этиш арафасида турибди. Бу ҳолат бугун, 1 январь куни содир бўлиши мумкин, деб хабар бермоқда The Guardian нашри журналисти Алекс Крук.
Манба маълумотига кўра, Маресканинг клуб раҳбарияти билан муносабатлари бутунлай ёмонлашган. Бунда жамоанинг сўнгги натижалари муҳим роль ўйнаган: лондонликлар охирги 9 та ўйинда атиги 2 та ғалабага эришган. «Борнмут»га қарши баҳсдан (2:2) кейин Мареска гўё касал бўлиб қолгандек кўрсатиб, матбуот анжуманига келмади. Аслида эса у клубдаги вазиятдан норози бўлгани сабабли иштирок этмасликка қарор қилган.
Англия Премьер-лигасининг 19 та учрашувида «Челси» 30 очко жамғариб, жорий турнир жадвалида бешинчи ўринни эгаллаб турибди. Лондонликлар етакчи «Арсенал»дан 15 очко орқада қолмоқда.













