«Челси» ярим ҳимоячиси Энцо Фернандес 1 январь куни лавозимидан озод этилган жамоанинг собиқ бош мураббийи Энцо Марескага мурожаат қилди.
«Мураббий, бу вақт давомида бирга бошдан кечирган ва бўлишган барча нарсаларимиз учун раҳмат! Сиздан жуда кўп нарсани ўргандим ва ҳар бир маслаҳатингизни қадрлайман. Сизга ва мураббийлар штабингизга — Вилли, Дани, Роби, Маркос ва Миккига — энг эзгу тилакларимни билдираман.
Биз биргаликда икки совринни қўлга киритдик, уларни ҳеч қачон унутмайман. Барчангизга катта муваффақиятлар тилайман ва умид қиламанки, йўлларимиз яна кесишади. Энг яхши тилаклар билан», — деб ёзди Энцо Фернандес ижтимоий тармоқларда.
Жорий мавсум Англия Премьер-лигасининг 19 та учрашувида лондонликлар 30 очко жамғариб, турнир жадвалида бешинчи ўринни эгаллаб турибди. «Челси» етакчи «Арсенал»дан 15 очкога ортда қолмоқда.













