Лиам Росеньор тез орада "Челси" бош мураббийи лавозимини эгаллайди.

Франциянинг "Страсбург" клубида фаолият олиб бораётган англиялик мутахассис Лондон гранди раҳбарияти томонидан истеъфога чиқарилган Энцо Маресканинг ўрнига устувор номзод сифатида танлангани ҳақида аввал ҳам бир неча бор хабар берилган эди.

Инсайдер Фабрицио Романонинг янгиланган маълумотларига кўра, Росеньорнинг тайинланиши, агар ҳеч қандай кутилмаган ҳодиса юз бермаса, яқин кунларда расман тасдиқланади. Музокараларда жадал силжиш кузатилмоқда.

Эслатиб ўтамиз, Энцо Маресканинг истеъфоси ҳақида 1 январь куни маълум бўлди. Италиялик мутахассис бу лавозимда 2024 йилнинг ёзидан бери ишлаб келаётганди.