"Ноттингем Форест" форварди Арно Калимуэндо тез орада Германиянинг "Айнтрахт" клуби футболчисига айланади. Бу ҳақда журналист Флориан Плеттенберг хабар берди.
Манбага кўра, клублар 23 ёшли франциялик футболчини мавсум якунига қадар ижараси бўйича келишувга эришган. Шартномада сотиб олиш имконияти кўзда тутилади. Футболчи жорий ҳафта охиригача тиббий кўрикдан ўтиши кутилмоқда.
"Ноттингем Форест" ёзги трансфер ойнасида "Ренн"дан 30 миллион евро эвазига Калимуэндони сотиб олди. Жорий мавсумда ҳужумчи барча мусобақаларда 13та ўйинда майдонга тушиб, 2та гол урди.
