"Аталанта" ҳужумчиси Адемола Лукман Туркиянинг "Фенербахче" клуби қизиқишлари доирасига тушиб қолди ва қишки трансферлар вақтида чемпионатни ўзгартириши мумкин.
Инсайдер Педру Алмейданинг маълум қилишича, Истанбул клуби аллақачон "Аталанта" вакиллари билан музокараларга киришган ва 28 ёшли футболчининг эҳтимолий трансфери шартларини муҳокама қилмоқда.
А Серия жорий мавсумида футболчи 11 та ўйинда майдонга тушди ва 2 та гол урди. Лукман 2022 йилнинг ёзидан бери "Аталанта" шарафини ҳимоя қилмоқда. Transfermarkt портали маълумотларига кўра, унинг бозор нархи ҳозирда 35 миллион еврога баҳоланмоқда.
