"Эспаньол" бош мураббийи Маноло Гонсалес "Барселона" дарвозабони Жоан Гарсиянинг ўтган дербидаги ўйинини муҳокама қилишдан бош тортди.
"Кўк-анорранглилар" дарвозабони учрашув қаҳрамонига айланди ва ҳозирги жамоасига собиқ жамоасини мағлуб этишга ёрдам берди (2:0).
- Мени нотўғри тушунманг, лекин Жоан Гарсия ҳақида гапирмайман. Ўйинолди изоҳларим контекстдан юлиб олинди ва дербида адоват қўзғаш деб талқин қилинди. Мана шунинг учун ҳам энди ўзимни тийишни маъқул кўраман. Бундан ташқари, ўтган йили мен Гарсиянинг "Барселона"га ўтиши ҳақида 50 марта фикр билдирганман. Менимча, шунинг ўзи етарли," - деди Гонсалес матбуот анжуманида.
Жоан Гарсия 2025 йилнинг июнида "Эспаньол"ни "Барса"га алмаштирганди.
