"Лион" мавсум охиригача "Реал" ҳужумчиси Эндрикни ижарага олди.
The Athletic журналисти Марио Кортегананинг маълум қилишича, француз клуби бразилиялик футболчининг ижараси учун бир миллион евро тўлайди. Бироқ, ҳужумчи асосий таркибда майдонга тушган ҳар бешта ўйин учун "Лион" 200 минг евро камроқ тўлайди. Шу тариқа, Эндрик "Лион" сафида 25 ўйинда асосий таркибда майдонга тушса, французлар бразилиялик футболчининг ижараси учун "Реал"га ҳеч нарса тўламайди.
Эндрик "Реал"га 2024 йилнинг ёзида "Палмейрас"дан 47 миллион евро эвазига ўтганди. Унинг "қаймоқранглилар" билан шартномаси 2030 йилнинг 30 июнига қадар имзоланган. Жорий мавсумда бразилиялик ҳужумчи Мадрид клуби сафида атиги учта ўйинда майдонга тушди ва уларда гол ура олмади.
