"Манчестер Юнайтед" футболчилари жамоа ярим ҳимоячиси ва сардори Бруну Фернандеш клубдаги "тартибсизлик"дан чарчаган ва келаси ёзда уни тарк этишга тайёр, деб ҳисобламоқда. Бу ҳақда The Sun хабар бермоқда.

Манбага кўра, португалиялик хавбекнинг жамоадошлари унинг истагига тўғри муносабатда бўлишмоқда. Таъкидланишича, Фернандеш 2020 йилда "қизил иблислар" сафига ўтганидан буён доим борини бериб ўйнаган ва манкунианликларнинг энг яхши футболчиси бўлган. Шу билан бирга, ярим ҳимоячи "Манчестер Юнайтед"нинг янги бошқарув модели туфайли ўзини алдангандек ҳис қилмоқда. Бундан ташқари, Аморимнинг ишдан бўшатилиши футболчининг фаолиятини "Олд Траффорд"да давом эттириш истагини кучайтирмади.

"Манчестер Юнайтед" сафида Фернандеш барча мусобақаларда 309 та ўйин ўтказиб, 103 та гол урган ва 94 та голли узатмани амалга оширган. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 40 млн еврони ташкил этади.