15 январга ўтар кечаси Испания кубогининг 1/8 финалидан ўрин олган ўйин бўлиб ўтади, унда иккинчи дивизион вакили "Альбасете" Мадриднинг "Реал" клубини қабул қилади. Старт ҳуштаги Тошкент вақти билан 01:00 да янграйди.
Ушбу баҳс Хаби Алонсо ўрнига келган "қаймоқранглилар"нинг янги устози Альваро Арбелоа учун дебют бўлади. Мутахассис ўз ишини муваффақият билан бошлаш учун барча имкониятларга эга.
Тахлилчилар бўлажак ўйинда "қироллик клуби" 66 фоиз эҳтимол билан ғалаба қозонишини тахмин қилмоқда. Мезбонларнинг муваффақият қозониш эҳтимоли атиги 16 фоизни ташкил қилади. Асосий вақтдаги дуранг ҳам тахминан шунчага баҳоланади.
Арбелоа Ла Лигадаги дебютини 17 январь куни "Леванте"га қарши ўтказади, шундан сўнг у 21 январга ўтар кечаси "Монако"га қарши Чемпионлар Лигасида "бланкос" бошқарувидаги илк ўйинини ўтказади.
