"ПСВ" ярим ҳимоячиси Иван Перишич "Интер"га қайтиши мумкин.
Инсайдер Фабрицио Романонинг сўзларига кўра, Милан клуби 36 ёшли футболчининг агентлари билан боғланиб, унинг "Интер"га қайтишга қизиқиши бор-йўқлигини сўраган.
Бироқ, "ПСВ" хорватиялик футболчини мавсум ўртасида қўйиб юборишни истамаяпти. Перишичнинг ўзи "Интер"га қайтишни хоҳламоқда, аммо клублар ўртасидаги музокаралар жуда қийин бўлиши кутилмоқда.
Иван Перишич илгари 2015 йилдан 2022 йилгача "Интер" сафида ўйнаган.













