Мадриднинг "Реал" клуби Испания Кубогининг 1/8 финалида "Альбасете"га (2:3) сенсацион тарзда мағлуб бўлди ва турнирни тарк этди. "Қироллик клуби" клуби телевидениеси жамоанинг муваффақиятсизлигига изоҳ берди.
"Бу "Реал" учун жуда ёмон имиж. Бу ўйинда ўзимизни кўрсата олмадик. Янги мураббий айбдор эмас. Уч кун ичида жамоа иккита унвондан маҳрум бўлди. Ҳамма нарса ўзгариши керак. Биз ўз ўйинимизни имкон қадар тезроқ яхшилашимиз керак," - дея клуб телеканали сўзларини келтирмоқда Football Espana.
Ўтган баҳс Альваро Арбелоа учун "қироллик клуби" бошқарувидаги дебюти бўлди. Куни кеча Хаби Алонсо жамоани тарк этганди.
