"Манчестер Юнайтед" марказий ҳимоячиси Харри Магуайр "Манчестер Сити"га қарши ўйиндан нималар кутаётгани ҳақида гапирди.
Манчестер дербиси шанба куни "Олд Траффорд"да бўлиб ўтади. Учрашув Тошкент вақти билан соат 17:30 да бошланиши режалаштирилган.
"Ўйлайманки, бизни ажойиб ўйин кутмоқда. Қийин бўлишини биламиз, лекин яхши тайёргарлик кўрдик. Футболга эндигина қадам қўяётган ҳар бир инсон айнан шундай ўйинларни орзу қилади. Бу вазиятни ўзгартириш ва мухлисларимиз кўз ўнгида муваффақиятли ўйин кўрсатиш имкониятимиздир," - дея Магуайрнинг сўзларини келтиради инглиз ОАВ.
Шанба кунги учрашув "МЮ" учун Майкл Кэррик бош мураббий вазифасини бажарувчи этиб тайинланганидан кейинги илк учрашув бўлади.
