"Реал" ҳужумчиси Килиан Мбаппе ўзи билан Хаби Алонсо ўртасида муаммолар бўлгани ҳақидаги миш-мишларга изоҳ берди. Эслатиб ўтамиз, Алонсо бир ҳафта аввал мадридликлар бош мураббийи лавозимини тарк этган эди.
"Хаби Алонсо билан ҳеч қандай муаммоларимиз бўлмаган. Хаби муваффақиятсиз бўлган, деб айтиш — нотўғри. Унинг қўл остида биз фақат Суперкубокни ютқаздик, холос. Менинг фикримча, Хаби ажойиб мураббий бўлади. У билан муносабатларим жуда яхши эди", — дея Мбаппенинг сўзларини келтирди Фабрицио Романо.
"Реал" навбатдаги ўйинини сешанба куни, 20 январь санасида ўтказади. Альваро Арбелоа жамоаси Чемпионлар лигасида ўз майдонида "Монако"га қарши баҳс олиб боради.
