Мадриднинг "Атлетико" клуби Италия А Сериясида "Аталанта" шарафини ҳимоя қилаётган бразилиялик ярим ҳимоячи Эдерсонни ўз сафига қўшиб олмоқчи. Бу ҳақда АS журналистлари хабар бермоқда.

Ушбу ҳафта эҳтимолий битим бўйича музокаралар бўлиб ўтади. Эдерсонни ўз сафига қўшиб олиш ташаббускори "матрасчилар" устози Диэго Симеоне ҳисобланади. 26 ёшли ижрочининг бозор нархи 40 миллион еврони ташкил этади.

Эдерсон 2022 йилнинг ёзидан бери Бергамо жамоасида ўйнамоқда. Томонлар ўртасидаги амалдаги шартнома 2026/2027 йилги мавсум якунида ўз ниҳоясига етади.

Италия чемпионатининг жорий мавсумида бразилиялик 18 та учрашув ўтказиб, битта сариқ карточка олди.