"Ренн" ҳужумчиси Кадер Мейте фаолиятини Англияда давом эттириши мумкин.
Журналист Руди Галеттининг маълум қилишича, 18 ёшли форвардни "Манчестер Юнайтед" ўз сафига қўшиб олмоқчи. "Қизил иблислар" январь ойнаси ёпилгунга қадар футболчининг трансферини расмийлаштиришга уриниб кўриши мумкин.
Қайд этилишича, Мейтени ўз сафига қўшиб олишга қизиқиш билдираётган клублардан яна бири "Ал-Ҳилол" ҳисобланади. Бироқ, "Ренн" аллақачон Саудия Арабистони жамоасининг битта расмий таклифини рад этган.
Кадер Мейте "Ренн" тарбияланувчиси ҳисобланади. Унинг шартномаси 2028 йилнинг 30 июнига қадар мўлжалланган. Жорий мавсумда ҳужумчи 19 та ўйинда майдонга тушиб, 3 та гол урди ва 2 та голли узатмани амалга оширди. Transfermarkt портали Мейтени 10 миллион еврога баҳоламоқда.













