Бруну Фернандешнинг "Манчестер Юнайтед"ни тарк этиши ҳақидаги миш-мишлар тобора кучайиб бормоқда. 31 ёшли футболчи клуб бошқарув тизимидан "жуда норози," деб ёзади The Touchline.
Португалиялик ярим ҳимоячи келажаги бўйича қарор қабул қилишдан олдин янги доимий мураббий тайинланишини кутади. Эҳтимол, агар "қизил иблислар" раҳбариятининг танлови уни қониқтирмаса, ўйинчи вазиятни ўзгартиришга тайёр бўлади.
Эслатиб ўтамиз, ҳозир Майкл Кэррик бош мураббий вазифасини вақтинча бажарувчи мақомида ишлайди, унинг шартномаси ёзгача мўлжалланган. Январь ойи бошида Рубен Аморим истеъфога чиқарилди.
Фернандешга анчадан буён Саудия Арабистони чемпионати вакиллари қизиқиш билдиришмоқда.
