"Барселона" спорт директори Деку ҳужумкор ярим ҳимоячи Дронинг "ПСЖ"га ўтиши ҳақида фикр билдирди.
18 ёшли футболчи куни кеча парижликлар билан 2030 йилгача мўлжалланган шартнома имзолади. Франция гранди "кўк-анорранглилар" тарбияланувчиси учун 8 млн евродан кўпроқ пул тўлади.
"Агар мен ёш футболчи бўлганимда ва "Барселона"да ўйнаганимда, ҳеч қаерга кетмаган бўлардим, лекин ҳар ким ўзи ҳал қилади. Ташқи таъсир омиллари борлигини ҳамма яхши билади. Ота-онаси билан боғлиқми, билмадим, лекин бу унинг муаммоси - гап молияда эмас. Дро ўзининг ривожланишидан мамнун деб умид қиламан. Баъзида ўйинчилар нотўғри муҳитга тушиб қолишади," - дея Декунинг сўзларини келтиради Barca Universal.
Дро Фернандес "Барселона" асосий жамоаси сафида бешта ўйинда майдонга тушишга улгурди.
