"Реал" келаси ёзга янги бош мураббий тайинлаш имкониятларини ўрганмоқда. Нуфузли инсайдер Фабрицио Романонинг маълум қилишича, мадридликлар ичида ҳақиқатан ҳам Унаи Эмери номзоди муҳокама қилинмоқда. Юрген Клопп ва бошқа мутахассислар ҳақида ҳам фикрлар билдирилмоқда.
Қайд этилишича, ҳозирда муҳокамалар фақат клуб ичида бўлиб ўтмоқда. Шу билан бирга, Альваро Арбелоа 2025/2026 йилги мавсум охиригача "Реал"да ишлаши аниқ.
"Реал" чоршанба куни Чемпионлар лигасида "Бенфика"га 2:4 ҳисобида мағлуб бўлиб, мухлисларни ранжитди. Натижада, "қаймоқранглилар" умумий жадвалда тўққизинчи ўринни эгаллади ва 1/8 финалга тўғридан-тўғри чиқа олмади.
Унаи Эмери "Астон Вилла"да, Юрген Клопп эса "Ред Булл" футбол клубида ишлайди.













