Англия премьер лигаси "Халл Сити" клубининг ўз номини "Халл Сити Тайгерз" деб ўзгартиришини тан олмаяпти. Бу хусусда "Daily Mail" шундай ёзади.
Янги мавсум бошланишига бир ҳафта вақт қолган айни пайтда клуб хўжайини Асем Аллам жамоа номига "йўлбарслар" сўзини қўшишни хоҳлаб қолган.
"Бизга клуб номи ўзгаргани ҳақида хабар қилишгани йўқ. Фақат ташкилот номи ўзгарган.
Клуб "Халл Сити" номи билан қолади. Гап ўйинлар ва натижаларни эълон қилиш ҳақида борар экан, бу АПЛ учун муҳим", деди лига раҳбарияти вакилларидан бири.
Қайд этиш жоиз, "Халл Сити" мухлислари ҳам клуб хўжайинининг бу ҳаракатини маъқуллаётгани йўқ.