"Реал" футболчилари жисмоний тайёргарлик бўйича мураббий Антонио Пинтус қўл остида кислородли ниқобда машғулот ўтказишди.
АS таъкидлаганидек, бу ниқоблар баланд тоғ шароитида ишлашни тақлид қилмайди, балки ҳар бир ўйинчининг максимал юклама даражаси ва кислород истеъмол қилиш даражасини белгилайди ва бутун машғулот давомида ишлатилмайди.
"Ҳар қандай максимал юкламали тест 15-20 дақиқадан ошмайди, чунки уни максимал даражада бажариш керак. Бундай тестнинг мақсади - организмни максимал даражага етказиш ва шу пайтда қанча миқдордаги ҳавони ўзлаштира олишингизни тушунишдир", - деди жисмоний фаоллик, физиотерапия ва спорт йўналиши директори Рауль Нотарио.
