Миланнинг «Интер» клуби президенти Жузеппе Маротта жамоанинг ушбу қишки трансфер ойнасидаги сусткашлиги борасида фикр билдирди.
«Трансфер ойнаси — бу жамоалар ўз муаммоларини ҳал қиладиган вақт, аммо бизга бунинг кераги йўқ, чунки ёзда катта ҳажмдаги ишни амалга оширганмиз. Киву, шунингдек, ёшлар академияси ўйинчиларига ҳам ишониши мумкин, шунинг учун биз ҳаммасидан мамнунмиз», — деди Маротта Sport Mediaset нашрига берган интервьюсида.
Ҳозирги вақтда «Интер» 23 учрашувда 55 очко жамғарган ҳолда Италия чемпионати турнир жадвалида пешқадамлик қилмоқда. Иккинчи ўринда бораётган «Милан» билан фарқ беш очкони ташкил этади.
А Сериянинг навбатдаги турида Кристиан Киву шогирдлари сафарда «Сассуоло»га қарши баҳс олиб боришади. Учрашув 8 февраль куни Тошкент вақти билан соат 22:00 да бошланади.
