Лионель Месси «Барселона» президентлиги учун бўлиб ўтадиган овоз бериш жараёнида номзодларнинг биронтасини ҳам қўллаб-қувватламайди. Месси март ойидаги сайловлардан ўзини узоқ тутиши ҳақида Marca нашри ўз саҳифаларида маълум қилди.
Шу билан бирга, Месси келажакда барибир «Барселона»га қайсидир ролда қайтишга қатъий қарор қилгани яна бир бор таъкидланмоқда.
Ҳозирда 38 ёшли Лионель бор эътиборини «Интер Майами»даги иштирокига қаратган. МЛСнинг янги мавсуми бошланишига оз вақт қолди. Эслатиб ўтамиз, ўтган кузда Месси «Интер Майами» билан 2028 йил охиригача мўлжалланган янги шартнома имзолаган эди.
Лео Месси «Барселона»ни 2021 йилда тарк этган. Ўшанда каталонияликлар молиявий қийинчиликлар сабабли аргентиналик юлдуз билан шартномани узайтира олишмаган эди.
