Италиянинг «Милан» клуби Жан-Филипп Матетанинг трансфери барбод бўлганидан сўнг инглиз агентларидан «қора белги» олди. Бу ўтган йилнинг ёзида «Милан» худди шундай сабаб билан леверкузеннинг «Байер» клуби ҳужумчиси Виктор Бонифейсдан воз кечганидан кейинги иккинчи ҳолатдир.
Эндиликда, The Touchline нашрининг хабар беришича, инглиз агентлари орасида норасмий қоида тарқалмоқда: «Милан» билан иш олиб бормаслик керак, чунки бу «вақтни беҳуда сарфлаш» ҳисобланади. Бундан ташқари, бундай вазиятлар футболчининг обрўси ва бозор қийматига салбий таъсир кўрсатиши мумкин. Зеро, футболчининг сурункали касалликлари ҳақидаги гап-сўзлар, ҳатто улар асоссиз бўлса ҳам, унинг қадрини оширмаслиги аниқ.
