«Лидс» бош мураббийи Даниэль Фарке АПЛ 25-тури доирасидаги «Ноттингем Форест»га қарши ўйин олдидан матбуот анжуманида иштирок этди. Учрашув 6 февраль куни бўлиб ўтади.

Фарке рақиб жамоа мураббийининг даражасини юқори баҳолади.

«Шон Дайч АПЛ даражасида ўзини исботлаган тажрибага эга. У жамоага катта барқарорлик олиб келди. Унинг жамоаси юқори сифатга эга ва ўтган мавсумда еврокубокларга йўлланма олди. «Ноттингем» кўпинча ўз дарвозаси дахлсизлигини сақлаб қолади ёки атиги 1 та гол ўтказиб юборади. Мен кескин ўйин кутяпман, бундай баҳсда вазиятлар яратиш қийин бўлади, шунинг учун биз энг яхши формамизда бўлишимиз керак. Бизга мухлисларимизнинг қўллаб-қувватлаши зарур», — дея Фаркенинг сўзларини келтирмоқда BBC.

«Ноттингем» турнир жадвалида ўн олтинчи, «Лидс» эса ўн еттинчи ўринда бормоқда. Ҳар икки клуб 26 тадан очко жамғарган.