Англиялик собиқ футболчи Джо Коул Премьер-лиганинг жорий мавсумидаги чемпионлик пойгаси ҳақида ўз фикрини билдирди.

Якшанба куни 25-турнинг марказий ўйини бўлиб ўтади — «Ливерпуль» ўз майдонида «Манчестер Сити»ни қабул қилади. Бундан бир кун аввал эса турнир жадвалида пешқадамлик қилаётган «Арсенал» ўз уйида «Сандерленд»га қарши баҳс олиб боради.

«Ливерпуль»дан учраладиган мағлубият «Манчестер Сити» учун чемпионлик пойгасидаги тобутга қоқилган сўнгги мих бўлади. Бу жуда муҳим ўйин ва унинг аҳамияти барчага аён. Менимча, агар бу содир бўлса, энди бу «Арсенал» лигаси деб айтаман», — дея Коулнинг сўзларини келтирмоқда Англия ОАВлари.

Ҳозирда «тўпчилар» «шаҳарликлар»ни олти очкога ортда қолдирмоқда. Учинчи ўринда бораётган «Астон Вилла» эса пешқадамдан етти очко орқада.