"Челси"нинг собиқ сардори Жон Терри Лига кубоги яримфиналида "Арсенал"га қарши кечган қарама-қаршилик натижалари ҳақида фикр билдирди.
Сешанба куни бўлиб ўтган жавоб учрашуви "канонирлар"нинг 1:0 ҳисобидаги ғалабаси билан якунланди. Микель Артета жамоаси икки ўйин натижасига кўра (4:2) устун келди ва финалга йўл олди.
"Ўша ўйиндан кейин "Арсенал"нинг байрам қилиши ҳақида гапирмоқчиман. Бу Чемпионлар Лигаси эмас, Англия Лига Кубоги эканини унутмайлик. Менимча, улар байрамни жуда қизғин нишонлашди - бу жамоа ҳозир қандай босимни бошдан кечираётганининг яна бир кўрсаткичидир. "Арсенал" - АПЛда ҳозирча энг кучлиси, аммо Лига кубоги финали - бу Чемпионлар Лигаси финали эмас", - дея Террининг сўзларини келтиради инглиз ОАВ.
Финалда "Арсенал" "Манчестер Сити"га қарши майдонга тушади.
