«Ювентус» ярим ҳимоячиси Уэстон Маккенни чемпионатдаги рақобатчилардан бири — Миланнинг «Интер» клуби эътиборига тушди.
27 ёшли футболчи «кекса синьора»нинг ҳозирги устози Лучано Спаллетти қўл остида янги қирраларини очди, бироқ мавсум якунида жамоани эркин агент сифатида тарк этиши мумкин — унинг шартномаси ўз ниҳоясига етмоқда. Журналист Маттео Мореттонинг хабар беришича, сўнгги ҳафталарда «Интер» вазиятни диққат билан кузатиб бормоқда: агар америкалик футболчи туринликлар билан келишувни узайтирмаса, «нерадзуррилар» уни ўз томонига оғдириб олиши мумкин.
Кўплаб турли позицияларни ёпа олиш қобилиятига эга бўлган Уэстон Маккенни жорий мавсумдаги 32 та ўйинда олтита гол урди ва тўртта голли узатмани амалга оширди.
