"Манчестер Юнайтед" Англия Премьер-лигасининг 2025/2026 йилги мавсуми 25-тури доирасида "Тоттенхэм Хотспур"ни 2:0 ҳисобида мағлуб этди. Шу тариқа, "қизил иблислар" лондонликларнинг чемпионатдаги ғалабасиз сериясини давом эттиришди. Томас Франк жамоаси кетма-кет еттита учрашувдан бери ғалаба нималигини билмаяпти.
Бундан аввал "Тоттенхэм" "Борнмут" (2:3) ва "Вест Хэм" (1:2) жамоаларига имкониятни бой берган, шунингдек, "Брентфорд" (0:0), "Сандерленд" (1:1), "Бёрнли" (2:2) ва "Манчестер Сити" (2:2) билан дуранг ўйнаган эди.
Айни дамда "Тоттенхэм" 29 очко билан АПЛ турнир жадвалининг 14-поғонасини эгаллаб турибди. 26-турда "шпорлар" сешанба куни, 10 февраль куни "Ньюкасл Юнайтед" билан тўқнашади.
