"Манчестер Юнайтед" Англия Премьер-лигасининг 2025/2026 йилги мавсуми 25-тури доирасида "Тоттенхэм Хотспур"ни 2:0 ҳисобида мағлуб этди. Шу тариқа, манкунианликлар Англия чемпионатидаги мағлубиятсиз сериясини саккизта ўйинга етказиб олишди.

Манкунианликларнинг ушбу серияси АПЛнинг 18-турида бошланган эди — ўшанда "МЮ" "Ньюкасл Юнайтед"дан устун келган (1:0). Шундан сўнг жамоа "Вулверхэмптон" (1:1), "Лидс Юнайтед" (1:1) ва "Бёрнли" (2:2) билан дуранг ўйнади. Кейин эса "қизил иблислар" кетма-кет тўртта ғалабани қўлга киритишди — "Манчестер Сити" (2:0), "Арсенал" (3:2), "Фулхэм" (3:2) ва ниҳоят "шпорлар" таслим этилди. Навбатдаги турда "Манчестер Юнайтед" 10 февраль куни сафарда "Вест Хэм Юнайтед" билан тўқнашади.

Айни дамда "Манчестер Юнайтед" 44 очко билан АПЛ турнир жадвалининг тўртинчи поғонасини эгаллаб турибди.