«Астон Вилла» бош мураббийи Унаи Эмери «Борнмут» билан баҳсдаги очко йўқотилишидан сўнг ўз фикрларини билдирди. Англия чемпионатининг 25-тур учрашуви 1:1 ҳисобида якунланди.
«Бу яхши очко. Бизга осон бўлмади. Биринчи бўлимда курашдик, вақти-вақти билан устунлик қилдик. Ҳужумда вазиятлар яратдик ва гол урдик. Биринчи бўлимда тенг кураш гувоҳи бўлдик», — дея мураббийнинг сўзларидан иқтибос келтирмоқда «Sky Sports».
«Иккинчи бўлимда эса биз шу руҳда давом этишни уддалай олмадик. Рақиблар жарима майдончамизда биз хоҳлагандан кўра тез-тез пайдо бўлишди. Жамоа вазиятлар яратиш учун тезликни оширишга ҳаракат қилди, аммо «Борнмут» кўпроқ хавф туғдирди. Бу жуда муҳим 1 очко».
