"Тоттенхэм" Премьер-лига турнир жадвалида 14-ўринни эгаллаб турибди. Лондон жамоаси дарвозабони Гульельмо Викарио юзага келиши мумкин бўлган "жон сақлаб қолиш учун кураш" ҳақида ўз фикрларини билдирди.
"Жон сақлаб қолиш учун эҳтимолий курашми? Ҳаммаси вазиятга қайси томондан қарашингизга боғлиқ. Реаллик шундаки, натижаларимиз ёмон. Охирги 16 та ўйинда бор-йўғи иккита ғалаба — бу бизнинг клубимиз учун қабул қилиб бўлмас ҳолат. Аммо биз оғир шароитларда қанчалик бор кучимизни бераётганимизни ҳам унутмаслигимиз керак. Бу ҳақиқат. Биз Чемпионлар Лигасида яхши иштирок этяпмиз, ҳар уч кунда майдонга тушяпмиз. Мен аллақачон 36 та ўйинда қатнашдим ва бундан фахрланаман. Лекин майдондаги ўйинчиларга қийинроқ, шунинг учун ҳаммаси вазиятга қандай баҳо беришингизга боғлиқ", — деди Викарио "TNT Sports" нашрига.
