Мадриднинг «Реал» клуби бош мураббийи Альваро Арбелоа клубдаги фаолиятининг биринчи ойи ҳақида фикр билдирди.

Мадрид клуби Ла Лигада 22 ўйиндан сўнг 54 очко билан 2-ўринда бормоқда. «Барселона» эса пешқадамлик қилмоқда (23 ўйинда 58 очко).

«Мен бор эътиборимни ишга қаратганман. Ғалаба қозониш учун буюк жамоалар кўп нарсани аъло даражада бажариши керак. Биз бир вақтнинг ўзида кўплаб вазифаларни бажаришни, ҳаракатларни автоматик тарзда амалга оширишни ва бир хил фикрлашни ўрганишимиз лозим.

Бунга кўп соатлик машаққатли меҳнат ва фидойилик эвазига эришилади. Кайфият аввалгидек яхши бўлиб қолмоқда.

Олдинда бизни «Валенсия»га қарши қийин ўйин кутиб турибди ва шу ҳафта давомида биз ўйиннинг барча жабҳаларини янада такомиллаштиришга эътибор қаратдик.

Биз ҳали ўз чўққимиздан анча йироқмиз», — деди январь ойида Хаби Алонсонинг ўрнини эгаллаган Арбелоа.