"ПСЖ" яримҳимоячиси Витиньяга "Реал" жиддий қизиқиш билдиришда давом этмоқда.
Журналист Хосе Феликс Диаснинг ёзишича, португалиялик ёзги трансфер ойнасида Мадрид клубининг асосий нишонига айланган. "Қаймоқранглилар" футболчини ўз сафига қўшиб олиш учун бор кучини ишга солади.
Витинья "ПСЖ"га 2022 йилда "Порту"дан 41 миллион евро эвазига ўтганди. Унинг шартномаси 2029 йилнинг 30 июнига қадар имзоланган.
Жорий мавсумда португалиялик футболчи Париж клуби сафида барча мусобақаларда 31 та ўйинда майдонга тушиб, 6 та гол урди ва 10 та голли узатмани амалга оширди. Transfermarkt портали Витиньяни 110 миллион еврога баҳоламоқда.
