"Манчестер Юнайтед" сафида АПЛда ўйнаган "Наполи"нинг шотландиялик ярим ҳимоячиси Скотт Мактоминай туманли Альбионга қайтиши мумкин.
Area Napoli нашри журналистлари тарқатган хабарга кўра хавбекнинг трансферига АПЛда пешқадамлик қилаётган Лондоннинг "Арсенал" клуби қизиқиш билдирмоқда. "Тоттенхэм" "канонирлар"нинг футболчи учун рақобатига айланмоқчи.
29 ёшли футболчининг неаполликлар билан шартномаси 2028 йилнинг июнь ойи охирида якунига етади. Мактоминайнинг бозор нархи 45 миллион еврога баҳоланмоқда.
Италия чемпионатининг жорий мавсумида Скотт 23 та ўйинда майдонга тушди. Шотландиялик футболчи 6 та гол ва 3 та голли узатма муаллифи бўлди.
