«Барселона» бош мураббийи Ханс-Дитер Флик Мадриднинг «Атлетико» клубига қарши сафар ўйини олдидан жамоадаги кадрлар муаммоси ҳақида тўхталиб ўтди.
«Бизда баъзи муаммолар бор. Рэшфорд тайёр эмас. Бу яхши хабар эмас, лекин мен ўз жамоамга ишонаман», — деди Флик матбуот анжуманида.
Аввалроқ «Барселона» Рафинья тиззасида оғриқ ҳис қилаётгани, шу сабабли Мадриддаги баҳсда иштирок эта олмаслигини эълон қилган эди.
Соғлиғидаги муаммолар туфайли «Атлетико»га қарши ўйинда Андреас Кристенсен, Рафинья, Маркус Рэшфорд, Педри ва Гави майдонга туша олмайди. Флик матбуот анжуманида ушбу футболчиларнинг барчаси «Барселона» учун муҳим эканлигини алоҳида таъкидлаб ўтди.
«Атлетико» ва «Барселона» 12 февраль куни тўқнаш келишади. Бу Испания Кубогининг дастлабки ярим финал учрашуви бўлади. Жавоб ўйини эса уч ҳафтадан кейин бўлиб ўтади.
