«Ливерпуль»да Арне Слотнинг келажаги билан боғлиқ вазият мавҳумлигича қолмоқда.
«Touchline» нашри берган маълумотларга кўра, «қизиллар» раҳбарияти нидерландиялик мутахассисдан Англия Премьер-лигасидаги чемпионлик пойгасини унутиб, бор эътиборни Англия Кубоги ва Чемпионлар Лигасидаги ғалабага қаратишни сўраган. Агар Слот ушбу турнирларнинг ҳеч бирида зафар қучмаса, шунингдек, жамоанинг кейинги мавсум учун Чемпионлар Лигаси йўлланмасини таъминлай олмаса, жорий мавсум якунида истеъфога чиқарилиши мумкин.
Ҳозирги вақтда «Ливерпуль» Англия чемпионати турнир жадвалида олтинчи ўринни эгаллаб турибди. Англия Кубогида «қизиллар» тўртинчи босқичга йўл олишди, Чемпионлар Лигасида эса ўз юришларини 1/8 финалдан давом эттиришади.
