Франция Профессионал футбол лигаси (LFP) Лига 1 нинг 21-туридан ўрин олган «Нант»га қарши ўйинда (1:0) «Лион» ҳужумчиси Эндрикнинг майдондан четлатилиши билан боғлиқ вазиятни кўриб чиқди. 19 ёшли бразилиялик футболчи учрашувнинг 61-дақиқасида тўғридан-тўғри қизил карточка олган эди.
Интизом қўмитаси видеоёзувларни қайта кўриб чиқиб ва ҳакам ҳисоботи билан танишиб чиққач, бразилиялик ҳужумчининг қизил карточкасини бекор қилишга қарор қилди. Унинг ўрнига Эндрикка сариқ карточка ёзилди. Ушбу сариқ карточка футболчи учун баҳсдаги иккинчиси бўлгани сабабли, майдондан четлатиш ўз кучида қолди. Натижада Эндрик фақатгина битта ўйинга дисквалификация қилинди.
Маълумот учун, Эндрик шу йилнинг қишқи трансфер ойнасида «Реал Мадрид»дан «Лион»га ижара асосида ўтган эди. Франция чемпионатидаги 4 та ўйинида у 3 та гол уришга ва 1 та голли узатмани амалга оширишга улгурди.
