«Ливерпуль» устози Арне Слот ўз жамоасининг келаси мавсумда УЕФА Чемпионлар лигасида иштирок этиш имкониятлари ҳақида фикр билдирди.
«Очколардаги фарқ унчалик катта эмаслигини ҳисобга олсак, биз Чемпионлар лигаси ҳудудига яқин турибмиз. Лекин агар сиз аутсайдердан бир неча очко орқада бўлсангиз, уларни қувиб етиш осонроқ, чунки улар тез-тез очко йўқотишади. Жадвалнинг юқори қисмида эса вазият бошқача. Пешқадамлар камдан-кам ҳолларда хато қилишади, шунинг учун биз доимо ғалаба қозонишимиз керак», — дея нидерландиялик мураббийнинг сўзларини келтирмоқда «қизиллар» матбуот хизмати.
Бугунги ҳолатга кўра, «Ливерпуль» 42 очко билан АПЛ турнир жадвалида олтинчи ўринни эгаллаб турибди.
