Игор Тудор "Тоттенхэм" бошқарувини қўлга олди. Лондон клуби хорватиялик мутахассис билан жорий мавсум якунига қадар мўлжалланган шартнома имзоланганини эълон қилди. Тайинловдан сўнг 47 ёшли мутахассис ўз фикрларини билдириб ўтди.
"Бундай муҳим паллада ушбу клубга қўшилиш мен учун шарафдир. Зиммамга юкланган масъулиятни тушуниб турибман ва мақсадим аниқ — жамоа ўйинига барқарорлик олиб кириш ва ҳар бир учрашувда бор кучимизни бериб майдонга тушиш. Бу ерда кучли ўйинчилар йиғилган, менинг вазифам эса — уларнинг ишини ташкил қилиш, энергия билан тўлдириш ва натижаларни тезроқ яхшилашдан иборат", — дея Тудорнинг сўзларини келтиради клуб матбуот хизмати.
Игор Тудор ўтган йили "Ювентус" устози сифатида етти ой давомида фаолият юритган эди. Хорватиялик мутахассис октябрь ойи охирида ушбу лавозимни тарк этганди.
"Тоттенхэм" ҳозирда АПЛ турнир жадвалида атиги 16-ўринни эгаллаб турибди. Албатта, лондонликларнинг бундай ҳолати клуб раҳбариятини асло қониқтирмайди.
