"Бёрнли" клуби бош мураббийи Скотт Паркер шогирдларининг Англия Кубогини тарк этганидан сўнг ўз фикрларини билдирди. АПЛ вакилининг мамлакат учинчи дивизиони жамоаси "Мансфилд Таун"га қарши учрашуви 1:2 ҳисобидаги мағлубият билан якунланди.
Мухлислар ва экспертлар Паркерни ўтган ўйинга нисбатан асосий таркибда 9 та ўзгариш амалга оширгани учун кескин танқид қилишмоқда.
"Муаммо ушбу ўзгаришларда деб ўйламайман. Биринчи бўлимда ўйинимиз умуман қовушмади, кўплаб қулай имкониятларни бой бердик. Иккинчи бўлим эса жуда муваффақиятсиз ўтди. Биз рақибга илгарилаб кетиш учун имкон бердик ва шундан сўнг ҳеч нарсани ҳал қила олмадик. Шунчаки жуда ёмон натижа", — дея Паркернинг сўзларини келтирмоқда evrimagaci.org.
Шунингдек, Паркер ўзини ишончли ҳис қилаётганини ва истеъфога чиқарилиши ҳақида ўйламаётганини таъкидлади. "Бёрнли" ҳозирда АПЛнинг хавфли ҳудудида бормоқда ва жон сақлаб қолиш мумкин бўлган 17-ўриндан 9 очко ортда қолмоқда.
