«Атлетико» Ла Лигада кетма-кет учта ўйиндан бери ғалаба нималигини билмаяпти. Умумий тўплар нисбати — 0:4.

Бугун Диего Симеоне жамоаси 24-тур доирасида сафарда «Райо Вальекано»га йирик ҳисобда имкониятни бой берди (0:3). Бунгача «матрасчилар» «Леванте» билан дуранг ўйнаган (0:0) ва «Бетис»дан мағлуб бўлишганди (0:1).

Қизиғи шундаки, ушбу муваффақиятсизликлар фонида мадридликлар ўтган пайшанба куни Испания Кубоги ярим финалининг дастлабки баҳсида «Барселона»ни аяб ўтирмади (4:0).

Испания чемпионати турнир жадвалида «Атлетико» айни дамда 45 очко билан тўртинчи ўринни эгаллаб турибди.